«The Wall Street Journal»-ը բացահայտել է ԱՄՆ նորընտիր նախագահ Դոնալդ Թրամփի խաղաղության ծրագրի ուրվագծերը:

WSJ-ը նշել է, որ ոչ ոք չգիտի Թրամփի խաղաղության հստակ ծրագիրը, նույնիսկ նրա մերձավոր շրջապատը, ուստի սրանք ընդհանուր կետեր են, որոնց շուրջ նրա ապագա կաբինետի բոլոր անդամները միաձայն համաձայն են։

1. Պատերազմի սառեցում, որը կապահովի Ռուսաստանի վերահսկողությունն Ուկրաինայի տարածքի 20%-ի վրա։

2. Ուկրաինային ստիպել ժամանակավորապես հրաժարվել ՆԱՏՕ-ի անդամությունից (Թրամփի կաբինետից երեք հոգի ասում են, որ Ուկրաինան պետք է նման պարտավորություն ստանձնի 20 տարի):

3. ՆԱՏՕ-ի անդամությունից հրաժարվելու դիմաց ԱՄՆ-ը համաձայնում է շարունակել Ուկրաինային աջակցել զենքով, որը պետք է կանխի ռուսական հերթական հարձակումը:

4. Երկու կողմերն էլ պետք է համաձայնեն 1300 կիլոմետրանոց ապառազմական գոտուն (սա միակ կետն է, որով պահանջ է դրվում Ռուսաստանի առջև)։ Ընդ որում, ո՛չ ԱՄՆ-ը, ո՛չ էլ ՄԱԿ-ը խաղաղապահների դեր չեն ստանձնի։