Խաղաության պայմանագրի տեքստի վրա դեռ շարունակում ենք աշխատել, և հայկական խմբագրված տարբերակը շուտով կփոխանցենք Ադրբեջանին։ Այդ մասին այսօր խորհրդարանում ասաց ԱԽ քարտուղար Արմեն Գրիգորյանը։
Նրա խոսքով՝ Հայաստանն իր ամբողջ ջանքերը ներդրել է, որ հնարավորինս արագ պայմանագիրը ստորագրվի։ Հարցին, թե ի՞նչ կետեր է Արդբեջանը ներկայացրել, ԱԽ քարտուղարը պատասխանեց՝ նշելով, որ Ադրբեջանը Հայաստանին տվել է խաղաղության պայմանագրի տեքստ՝ հինգ կետերն ավելի բացված նախնական տեքստ է տրվել։
«Հայկական կողմն այդ տեքստի վրա աշխատել է և տվել է Ադրեջանին, դրանից հետո Վաշինգտոնում տեղի է ունեցել հանդիպում, այդ հանդիպումից հետո էլ՝ անցած ամսվա վերջին կամ այս ամսվա սկզբին, տեքստը փոխանցվել է Հայաստանին, մենք էլ դրա վրա ենք աշխատում, լրացումներ ու փոփոխություններ անում։ Դեռևս վերջնական որոշում չկա՝ խաղաղության պայմանագրո՞վ է ԼՂ հիմնահարցը լուծվելու, թե՞՝ մենք առանձին միջազգային մեխանիզմ ենք ստեղծելու։ Գիտեք, որ իմ և Ադրբեջանի փոխնախագահի վաշինգտոնյան հանդիպումից հետո որոշվել էր միջազգային մեխանիզմ ստեղծել, բայց մինչ այս պահը որևէ հստակություն չկա»,- նշեց Գրիգորյանը։
ԱԽ քարտուղարը նկատեց՝ Երևանը կողմ է միջազգային երաշխիքների ստեղծմանը, որ մեխանիզմ ստեղծվի, քննարկում տեղի ունենա Լեռնային Ղարաբաղի ու Ադրբեջանի միջև իրավունքների և անվտանգությունների վերաբերյալ, ինչը կարող է ֆիքսվել կա՛մ խաղաղության պայմանագրով, կա՛մ միջազգային ինչ-որ մեխանիզմով։