Իմ մասնակցությամբ անցյալ տարի Սփյուռքում տեղի են ունեցել հանրային 60-70 հանդիպումներ եւ դրանցից միայն մեկում է միջադեպ տեղի ունեցել եւ ես շատ ծանր չեմ տանում․ MediaHub-ի հաղորդմամբ՝ խորհրդարանում այս մասին ասաց Սփյուռքի հարցերով գլխավոր հանձնակատար Զարեհ Սինանյանը՝ ի պատասխան «Հայաստան» խմբակցության անդամ Լիլիթ Գալստյանի հարցին, թե ինչո՞ւ են սփյուռքահայերի հետ իր հանդիպումները հիմնականում միջադեպերով անցնում։
«Մենք ունենք մի հայկական իրականություն՝ այն ամենը, ինչ տեղի է ունենում մեզ հետ, ազդում է մարդկանց հոգեբանության վրա՝ ամենուր։ Իմ՝ տարբեր երկրներ այցելությունների ընթացքում երբեմն տհաճ միջադեպերը այս կոնտեքստի մեջ են լինում։ Ես շատ կուզեի, որ այդպես չլիներ, բայց հասկանում եմ, որ սա է մեր իրականությունը։ Ինձ երկար ժամանակ ապաստան տված ԱՄՆ-ի որոշ մասերում, օրինակ, անցյալ տարի միջադեպ եղավ, որը կազմակերպվել էր կոնկրետ մի կուսակցության կողմից։ Մարդիկ եկան, անիմաստ ու կոպիտ ձեւով իրենց ասելիքն ասեցին ու գնացին»,-ասաց Սինայանը։
Նա անդրադարձավ նաեւ վերջերս Գերմանիայում հայկական համայնքի հետ հանդիպման ժամանակ տեղի ունեցած միջադեպին։
«Նման մի միջադեպ տեղի ունեցավ նաեւ Քյոլնում։ Հայեր, որոնք չէին առնչվում որեւէ կուսակցության հետ, բայց հարց էին բարձրացնում, թե՝ «մեր փողերը ո՞ւր են, մեր հողերը ո՞ւր են»։ Ես սիրով իրենց լսելուց հետո հարցրի՝ կարո՞ղ ենք շարունակել հանդիպումը, իրենք պնդեցին, որ ոչ՝ խանգարելու են։ Ոստիկանները եկան այդ 4 անձին հանեցին եւ մեր հանդիպումը շարունակվեց»,-նշեց նա:
Մանրամասն՝ տեսանյութում։