Նյարդաբան, օրթոպեդ Արտյոմ Ժուկովը «Սանկտ Պետերբուրգ» հեռուստաալիքի եթերում պատմել է՝ ինչպես ճիշտ նստել համակարգչի մոտ, որպեսզի մեջքն ու ողնաշարը չտուժեն։
Առաջին կարևոր կետը, որին օրթոպեդը խորհուրդ է տվել ուշադրություն դարձնել, համակարգչի ճիշտ տեղակայումն է։ Մասնագետի խոսքով՝ մոնիտորը հարկավոր է տեղադրել այնպես, որ այն լինի աչքերի դիմաց, և մարդն ստիպված չլինի գլուխը կախել։
Երկրորդ կարևոր կետը կապված է սեղանի վրա ձեռքերի դիրքի հետ։ Ինչպես ընդգծել է Ժուկովը, համակարգչով աշխատելու ընթացքում ձեռքերը պետք է լինեն սեղանին։
«Եթե արմունկը կախված է լինում, ապա մենք ամբողջ ձեռքը պահում ենք սեղանաձև մկանի շնորհիվ, իսկ այս մկանները շատ են աշխատում ու մշտապես ծանրաբեռնված են։ Արդյունքում ի հայտ են գալիս գլխացավեր, պարանոցի ցավեր ու մեջքի ցավեր», - բացատրել է մասնագետը։
Օրթոպեդը հորդորել է նաև խուսափել դյուրակիր համակարգիչով բազմոցին պառկած աշխատելուց՝ ընդգծելով, որ այդ դիրքը կործանարար է ողնաշարի համար, քանի որ այդ դեպքում ճնշում է գործադրվում ողնաշարի առանցքի վրա։