Այնքան ծանր վիճակում են, որ ստիպված փորձում են մանիպուլացնել գյումրեցիներին․ Բաբկեն Հարությունյան

«Հայրենիք» կուսակցության անդամ Բաբկեն Հարությունյանն իր ֆեյսբուքյան էջում գրել է․

«Իշխանությունը անանուն սոցիալական հարցումներ է հրապարակել, թե իբր Գյումրիում ՔՊ-ի վարկանիշը 46% է։ Կարող էին նաև գրել, թե Սարիկի վարկանիշը օրինակ 64% է, բայց չեն գրել, որովհետև հետո հարց կառաջանա, թե ոնց եղավ, որ Սարիկի վարկանիշը Նիկոլի վարկանիշից ավելի բարձր է( Նիկոլը ԱԺ ընտրություններին մոտ 53% էր հավաքել)։ Իրականում, 50% -ին մոտ վարկանիշը ունենալու քաղաքական տեխնոլոգիան կիրառելով` ՔՊ-ն փորձում է գյումրեցիների մոտ ստեղծել տպավորություն, թե այլևս ընտրություններին մասնակցելը, իշխանության հետ վատամարդ լինելը անիմաստ է, միևնույնն է ՔՊ-ն իբր հաղթելու է։ Նրանց նպատակը պարզ է, ընդդիմադիր հայացքներ ունեցող գյումրեցիները չգնան ընտրության, իսկ ցածր մասնակցության դեպքում` ՔՊ-ն վարչական և այլ ռեսուրսներով կարողանա հաղթել։

Այսպիսով, հաջորդ փուլում ՔՊ-ն կհայտարարի մի նոր պադվալային հարցման տվյալ, որով իր վարկանիշը կգերազանցի 50% -ը, ինչով էլ ևս մեկ անգամ կհաստատեն, որ այնքան ծանր վիճակում են, որ ստիպված փորձում են մանիպուլացնել գյումրեցիներին»։