Երևանում ՌԴ դեսպանատան մոտ լարված իրավիճակ էր։ Խծաբերդում գերեվարված զինծառայողների ծնողներն ու հարազատները, որոնք ՌԴ դեսպանատան մոտ ակցիա են իրականացրել՝ պահանջելով իրենց որդիների վերադարձը, հանդիպում էին պահանջում ՌԴ դեսպանի հետ, որը, սակայն տեղի չի ունեցել։ Ակցիայի մասնակիցների և հերթապահություն իրականացնող ոստիկանության ծառայողների միջև քաշքշուկ տեղի ունեցավ։
«Զանգեք, թող գան: Չեն կարո՞ղ 15 րոպեով ընդունել։ Հլը իրենց երեխաները գերի լինեին, տեսնեինք նույն ձեւ էին լինելու՞»,-ասաց ծնողներից մեկը:
Ոստիկաններից մեկը կոչ արեց ավելորդ լարվածություն չստեղծել: Որոշ ժամանակ անց գերիների ծնողների, հարազատների եւ ոստիկանների միջեւ քաշքշուկ, վիճաբանություն եղավ։ Ծնողները ցանկանում էին դեսպանատուն մտնել, մայրերից մեկի ինքնազգացողությունը վատացավ։