«Կիեւի ռեժիմի արկածախնդրությունը լիովին ձախողվել է»․ Պուտինը հայտարարել է Կուրսկի ազատագրման մասին (տեսանյութ)
Կուրսկի մարզի ազատագրման գործողությունն Ուկրաինայի զինված ուժերից ավարտվել է, ՌԴ նախագահ Վլադիմիր Պուտինը համապատասխան զեկույց է ստացել Ռուսական բանակի գլխավոր շտաբի պետ Վալերի Գերասիմովից, ասել է Կրեմլի խոսնակ Դմիտրի Պեսկովը։
Պուտինը շնորհավորել ու շնորհակալություն է հայտնել «նեոնացիստական խմբավորումների ջախջախմանը մասնակցած զորամասերի անձնակազմին»։
«Կիեւի ռեժիմի արկածախնդրությունը լիովին ձախողվել է, և թշնամու կրած հսկայական կորուստները, այդ թվում՝ Ուկրաինայի զինված ուժերի ամենամարտունակ, մարզված և հագեցած, այդ թվում՝ արևմտյան տեխնիկայով զինված ուժերի, մասնավորապես՝ գրոհային ստորաբաժանումների և հատուկ նշանակության ուժերի, անկասկած կարտացոլվեն մարտական շփման գծի ողջ երկայնքով։ Կուրսկի սահմանային հատվածում թշնամու լիակատար պարտությունը պայմաններ է ստեղծում մեր զորքերի հետագա հաջող գործողությունների համար ռազմաճակատի այլ կարևոր հատվածներում և մոտեցնում է նեոնացիստական ռեժիմի պարտությունը»,- տեսաուղերձով հայտարարել է ՌԴ ղեկավարը։
