ՀՀ ԱԺ ութերորդ գումարման ձմեռային նստաշրջանի առաջին նիստի ընթացքում քննարկվում է Կառավարության կողմից ներկայացված Ավիացիայի մասին օրենքում լրացումներ կատարելու մասին օրենքի նախագիծը։
«Հայաստան» խմբակցության պատգամավոր Արթուր Խաչատրյանին հետաքրքիր էր այն հարցը, թե երբ է դուրս գալու այն արգելքը, որով պայմանավորված հայկական ավիաընկերությունները դեպի Եվրոպա չվերթներ չունեն։
«Ուզում եմ հասկանալ Հայաստանում գրանցված ընկերությունների արգելքի առեղծվածը, ոչ թե Բերմունդյան եռանկյան առեղծվածը։ Հայկական գրանցում ունեցող ավիաընկերություններն արգելվել են Եվրոպայում անվտանգության, վատ համբավի պատճառով։ Թե ով որտեղ է գրանցել իր ավիաընկերությունը՝ հարկերից խուսափելու համար, մեզ ի՞նչ»,-ասաց նա՝ ակնարկելով ԱԺ պատգամավոր Խաչատուր Սուքիասյանի ընտանիքի եւ մոլդովական «Fly One» ավիաընկերության հանգամանքը, որը, փաստացի, հայկական դաշտում միակն է, որ թռիչքներ է իրականացնում դեպի Եվրոպա:
Մանրամասները՝ տեսանյութում