Երեքշաբթի օրը իրավապահները ջրցան մեքենա և արցունքաբեր գազ են կիրառել Թբիլիսիում Վրաստանի խորհրդարանի շենքի մոտ բողոքի ցույցը ցրելու համար։ Ուղիղ հեռարձակումներն իրականացվում են տեղական հեռուստաալիքներով։
Հատուկ նշանակության ջոկատայինները փակել են դեպի խորհրդարանի մուտք տանող փողոցը։ Արցունքաբեր գազի կրկնակի կիրառումից հետո կիրառվել է նաև ջրցան մեքենա։
Վրաստանի նախագահը չեղարկել է իր հանդիպումները Նյու Յորքում՝ Թբիլիսիում բողոքի ցույցերի պատճառով և դիմելու է բնակչությանը. հայտնել են Վրաստանի ղեկավարի վարչակազմում։
Երեքշաբթի օրը Վրաստանի խորհրդարանի պատգամավորներն առաջին ընթերցմամբ ընդունել են օտարերկրյա գործակալների մասին օրենքի նախագծի վրացական տարբերակը։ Հանդիպման ընթացքում հազարավոր մարդիկ հավաքվել էին խորհրդարանի շենքի մոտ՝ դեմ արտահայտվելով նախաձեռնությանը։
