Այս մարդիկ, որոնց անգամ մարդ չեմ ուզում ասել, ցույց են տալիս, որ իրենց համար կարևորն իրենց իշխանությունը պահելն է և ամենևին էլ կարևոր չի՝ Արցախը կլինի, թե չի լինի, Սյունիքի այս կամ այն գյուղը կլինի մերը, թե չի լինի: Այս մասին Ֆրանսիայի հրապարակում լրագրողների հետ ճեպազրույցում հայտարարեց «Հայրենիք» կուսակցության նախագահ Արթուր Վանեցյանը:
Վերջինս, նշենք, այս պահին Ֆրանսիայի հրապարակում է, որտեղ ընթանում է Միասնության հանրահավաքը:
Լրագրողի հարցին, թե իր համար սեղանին դրված փաստաթղթերից ո՞ր տարբերակն է ընդունելի՝ ռուսական, թե՞ արևմտյան, Արթուր Վանեցյանն ասաց, որ այս պահին պաշտոնապես որևէ թուղթ չկա և կարելի է խոսել միայն մամուլում շրջանառվող վարկածների մասին: Իսկ դրանց համաձայն՝ կա միացյալ Արևմուտքի առաջարկ, որն Արցախը դուրս է թողնում Հայաստանի հետ որևէ կապ ունենալուց և ուղիղ ասում է, որ Արցախը պետք է լինի Ադրբեջանի կազմում, իսկ ռուսական տարբերակը, դարձյալ մամուլի հրապարակումների համաձայն, ասում է, որ Արցախի կարգավիճակի հարցը պետք է հետաձգվի, ստատուս-քվոն պահպանվի՝ թողնելով այս հարցը սերունդներին.
«Միանշանակ ես կողմնակից եմ, որ Արցախը մնա՝ գոնե, այս իրավիճակում, բայց մենք ունենանք հնարավորություն հետագայում Արցախի հարցը լուծելու»,- շեշտեց Արթուր Վանեցյանը:
Մանրամասները՝ տեսանյութում: