Ռուսաստանում Ֆինլանդիայի դեսպանատունը հայտարարել է հուլիսի 1-ից մուտքի արտոնագրերի տրամադրման սահմանափակումների վերացման մասին, որոնք գործում էին կորոնավիրուսի պատճառով։
«Մուտքի սահմանափակումների վերացման հետ կապված՝ Ֆինլանդիան հուլիսի 1-ից հանում է նաև վիզայի դիմումների ընդունման սահմանափակումները: Ֆինլանդիայի վիզաների կենտրոններում վիզայի դիմումներն ընդունվում են միայն նախնական գրանցումով», - ասվում է Ֆինլանդիայի դիվանագիտական ներկայացուցչության հայտարարության մեջ։
Նշվում է, որ երրորդ երկրներից Ֆինլանդիա ժամանող ճանապարհորդներից այլևս չի պահանջվի պատվաստման վկայական կամ կորոնավիրուսի թեստ ունենալ։ Պարզաբանվում է, որ սահմանային անցակետերում COVID-19-ի թեստավորումն այլևս չի լինի։
Նշվում է նաև, որ վիզային դիմումների քննարկումը կիրականացվի ԵՄ վիզային օրենսգրքի համաձայն. ԵՄ-ի և Ռուսաստանի Դաշնության միջև կա համաձայնագիր վիզաների տրամադրումը պարզեցնելու վերաբերյալ, սակայն պատժամիջոցների պատճառով դրա մի շարք դրույթներ կասեցվել են։
«ԵՄ-ի կողմից Համաձայնագրի կասեցումը վերաբերում է ռուսական պաշտոնական պատվիրակությունների ներկայացուցիչներին, մասնավորապես՝ դիվանագետներին և գործարարներին», - ասված է դեսպանատան հաղորդագրության մեջ։