Իսրայելը Պաղեստինյան ՀԱՄԱՍ շարժումից պահանջել է ազատ արձակել 11 պատանդներին և հանձնել 16 զոհված գերիների մարմինները՝ Գազայի հատվածում հրադադարի երկարաձգման դիմաց։ Այս մասին հայտնել է կատարյան Al Jazeera հեռուստաալիքը՝ հղում անելով ՀԱՄԱՍ-ի աղբյուրին։

Իսրայելը Համասից պահանջել է, ի թիվս այլ բաների, վերադարձնել իսրայելցի զինվոր Իդան Ալեքսանդրին, ով ունի ամերիկյան քաղաքացիություն։ Ի պատասխան՝ Իսրայելը պատրաստ է ազատ արձակել ցմահ ազատազրկման դատապարտված 110 պաղեստինցի բանտարկյալների, ինչպես նաև Գազայում մարտերի ժամանակ կալանավորված 1100-ին։