Այս այցը նոր թափ կհաղորդի Հայաստանի և Ղազախստանի միջև հարաբերություններին, ասել է Նիկոլ Փաշինյանը Ղազախստանի նախագահ Կասիմ-Ժոմարտ Տոկաեւին Աստանայում հանդիպմանը։
Տոկաեւն իր հերթին նշել է, որ Փաշինյանի այցը դրական ազդեցություն կունենա ռազմավարական գործընկերության զարգացման վրա։
«Բարձր ենք գնահատում Ձեր այցը։ Եղած նախաձեռնությունները վկայում են, որ մեր բարեկամությունն ամուր է։ Ցանկանում եմ ընդգծել, որ առկա է փոխադարձ հարգանք Հայաստանի ու Ղազախստանի ժողովուրդների միջև»,- ասել է Ղազախստանի նախագահը։
Տոկաեւի խոսքով՝ փոխադարձ համագործակցությունը սերտ է թե՛ տարածաշրջանային, թե՛ միջազգային հարթակներում։