Բերման է ենթարկվել Արցախի Հանրապետության ՊԲ նախկին հրամանատար, Արցախի նախագահի գործող գլխավոր խորհրդական Միքայել Արզումանյանը։ Այս մասին գրել է politik.am-ը։

Արզումանյանը բերման է ենթարկվել ՀՀ քննչական կոմիտեի զինվորկան վարչության քննիչների հանձնարարությամբ։ Նա բերման է ենթարկվել Արցախից Երևան գալու ճանապարհին։

MediaHub.am-ը փորձեց տեղեկատվությունը ճշտել Քննչական կոմիտեից։ ՔԿ նախագահի մամուլի քարտուղար Վարդան Թադևոսյանն ասաց, որ այս պահին չի կարող մեկնաբանել։

«Տեղեկատվությունը ճշտում եմ, փորձեք ավելի ուշ»,-ասաց նա:

Հիշեցնենք, Արզումանյանն Արցախի պաշտպանության նախարար-պաշտպանության բանակի հրամանատար էր նշանակվել 44-օրյա պատերազմի ընթացքում՝ 2020-ի հոկտեմբերի 27-ին, այդ պաշտոնում փոխարինելով վիրավորում ստացած Ջալալ Հարությունյանին։ Պաշտոնից ազատվել է 2021 թ-ի սեպտեմբերի 11-ին։