Օրերս Ոստիկանությունը մի տեսանյութ հրապարակեց, որում պատկերված երիտասարդը որոնվում է քրեական վարույթի շրջանակներում:
MediaHub-ը ՀՀ ոստիկանությունից հետաքրքվեց, թե արդյո՞ք տվյալ անձը գտնվել է, սակայն գերատեսչության լրատվական բաժնից մեզ փոխանցեցին՝ եթե հրապարակման ենթակա տեղեկություն լինի, կտարածեն։
Ենթադրաբար, անձը դեռ չի հայտնաբերվել։
MediaHub-ի տեղեկություններով՝ խոսքը օրերս Երևանում երեխայի նկատմամբ սեռական բնույթի բռնի գործողության փորձ կատարողի մասին է:
Նշենք, որ ըստ մամուլի՝ հունիսի 8-ին անհայտ անձը Դավիթաշենի դպրոցներից մեկի տարածքում փորձել է սեռական բնույթի բռնի գործողություն կատարել 9-ամյա աղջնակի նկատմամբ: Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ՝ անձը պարզելու և նրան հայտնաբերելու ուղղությամբ։