Կոնգոյում գտնվող եկեղեցու վրա ենթադրյալ ծայրահեղականների հարձակման հետևանքով զոհվել է առնվազն վեց և վիրավորվել տասից ավելի մարդ, հայտնում է AP-ն՝ հղում անելով երկրի բանակին:
Բանակի խոսնակ Էնթոնի Մվալուշայինը գործակալությանը հայտնել է , որ իսլամական ծայրահեղականների հետ կապված խմբավորումը, ենթադրաբար, պատասխանատու է Հյուսիսային Կիվու նահանգի Կասինդի քաղաքի եկեղեցու ռմբակոծության համար,
Նա նշել է, որ դեպքի վայրում առանց փաստաթղթերի հայտնաբերված Քենիայի քաղաքացին ձերբակալվել է։
Կասինդին գտնվում է Ուգանդայի հետ սահմանին եւ արդեն մի քանի անգամ հարձակման է ենթարկվել Ժողովրդավարական ուժերի դաշինքի զինյալների կողմից, որը, ենթադրաբար, կապված է «Իսլամական պետություն» խմբավորման հետ։