Անհայտ անձը թունավոր փոշի պարունակող նամակներ է ուղարկել Բելգիայի վարչապետի գրասենյակ։

Գրասենյակի  աշխատակցուհի է հոսպիտալացվել, գրել է Politico-ն։

Միջադեպը տեղի է ունեցել 2024 թվականի նոյեմբերի 22-ին, սակայն Բելգիայի դատախազությունը հայտնել է այդ մասին միայն երեքշաբթի օրը, երբ հայտնի են դարձել փոշու անալիզի արդյունքները։ Նամակները պարունակել են ստրիխնին՝ թունավոր փոշի, որն օգտագործվում է գյուղատնտեսության մեջ որպես թունաքիմիկատ։

Նման նամակներ են հայտնաբերվել նաև երկրի ՆԳ նախարարի գրասենյակում նոյեմբերի 20-ին և դեկտեմբերի 9-ին, սակայն տուժածներ չկան: Առայժմ պարզ չէ՝ կապ կա՞ միջադեպերի միջեւ։

POLITICO-ն կապ է հաստատել Բրյուսելի դատախազության հետ՝ մեկնաբանությունների համար։ Չորեքշաբթի օրը Le Soir-ին հայտնել են, որ հետաքննությունը դեռ շարունակվում է, և որ այդ փուլում կասկածյալ չկա: