ՀՀ-ում բյուջեն հավաքագրվում է այն պայմաններում, որ ՀՀ-ում չկան մենաշնորհներ, և դա նրա շնորհիվ, որ քաղաքական թիմն ունի քաղաքական կամք։ Այդ մասին այսօր ԱԺ-ում ասաց ՔՊ-ական պատգամավոր Խաչատուր Սուքիասյանը։
Նրա խոսքով` եթե նախկին իշխանությունները «կոռուպցիոն համակարգն այնպես արմատախիլ անեին, ինչպես այսօր, ապա մենք կունենայինք ասֆալտով փողոցներ, ճանապարհներ»։
«Իսկ այսօր մանկապարտեզներ չկան, դպրոցները կարիք ունեն վերանորոգման»,- նշեց նա։
Նա նկատեց, որ «երեսուն տարի դպրոց չի վերանորոգվել, կրթական համակարգը կոռումպացված է եղել, և եթե նախկին երեսուն տարում կրթություն լիներ, ապա այսօր բյուջեն ավելի մեծ կլիներ»։
«Հիմա մեզ մեղադրում եք մի բանում, որը դուք եք ստեղծել»,- ասաց Սուքիասյանը՝ դիմելով ընդդիմությանը։
Մանրամասները՝ տեսանյութում։