Խստիվ արգելված է. ո՞վ չպետք է ելակ ուտի․ մասնագետների կարծիքը
Քաղցր և առողջ հատապտուղների սեզոնը եկել է։ Ամառային առաջին դելիկատեսներից մեկը՝ ելակը և ցախկեռասը, արդեն հայտնվում են մանրածախ վաճառքի կետերում: Այս կապակցությամբ ժիշկ Գալինա Լաուխինան PrimaMedia լրատվական գործակալությանը պատմել է այն, ինչ դուք պետք է իմանաք սեզոնային մրգերը չափից շատ ուտելուց առաջ՝ առողջ մնալու համար:
Ո՞ւմ համար են հատապտուղները վնասակար. Ելակը լավ է ձեզ համար: Այնուամենայնիվ, եթե դուք ալերգիա ունեք դրա նկատմամբ, ապա այս հատապտուղը բացարձակապես հակացուցված է։ Ելակը խորհուրդ չի տրվում նաեւ այն մարդկանց, ովքեր տառապում են աղեստամոքսային տրակտի հիվանդություններով, մասնավորապես՝ պեպտիկ խոցով։
Մասնագետի խոսքով՝ օրգանական թթուների՝ օքսալային և սալիցիլային համալիրը ստամոքսի լորձաթաղանթի հետ շփվելիս մեծացնում է դրա գրգռվածությունը, ինչը կարող է նպաստել գաստրիտի, գաստրոդուոդենիտի, ստամոքսի և տասներկումատնյա աղիքի խոցերի սրմանը։ Եթե սրացում չլինի, ապա ելակը կարելի է օգտագործել քիչ քանակությամբ, բայց այն կկազմի մոտավորապես 150-200 գրամ։ Միաժամանակ ավելի լավ է այն չօգտագործել դատարկ ստամոքսին, քանի որ այն գրգռիչ ազդեցություն է թողնում ստամոքսի վրա, ավելի լավ է այն ուտել որպես աղանդեր՝ հիմնական կերակուրից հետո, ավելացրել է Գալինա Լաուխինան։
Բացի այդ, փորձագետն ընդգծել է, որ եթե ելակը խառնեք մածունի, սերուցքի կամ թթվասերի հետ, ապա աղեստամոքսային տրակտի վրա բացասական ազդեցության սրությունը կնվազի։
