Գյուղատնտես Հարություն Մնացականյանը կանխատեսում է՝ մոտ ժամանակներս թարմ ձկնամթերքի շուկայում շատ տարօրինակ բաներ են կատարվելու։
Թե ինչ հիմքեր ունի գյուղատնտեսը նման կանխատեսում անելու համար նա չի պարզաբանել:
MediaHub-ը պարզեց, որ պատճառը Լարսի անցակետում առկա իրավիճակն է, որի հետևանքով Հայաստանից ապրանքով բեռնատարները, այդ թվում և շուտ փչացող արտադրանքով, օրերով ու նույնիսկ շաբաթներով մնում են հերթերի մեջ: Ու քանի որ կան ապրանքներ, որոնք պահպանման երկար ժամկետ չունեն կամ հատուկ պահպանման պայմաններ են պահանջում, բեռնատարներից շատերը ստիպված են վերադառնալ Հայաստան և արդեն այստեղ իրացնել ապրանքը: Իսկ իրացնելն էլ, իր հերթին, պայմաններ է պահանջում, այն է՝ գնիջեցում, որպեսզի թեկուզ էժան գնով, բայց ապրանքը վաճառվի, այլ ոչ թե թափվի:
Հաշվի առնելով նախաամանորյա ժամանակահատվածը, բեռնատարների թիվn օր օրի ավելանում է: Արտահանման նախատեսված արտադրանքի քանակը ևս: Սակայն ինչպես մեզ փոխանցեցին՝ Լարսի անցակետում մեքենաների թողունակությունn առաջիկա օրերին որոշակի չափով կավելանա։
Հիշեցնենք, որ Ղրիմի կամրջի վրա տեղի ունեցած պայթյունից հետո ռուսական կողմից «Վերին Լարս» անցակետում վերահսկողության խստացումը հանգեցրել է նոր բազմակիլոմետրանոց հերթերի, քանի որ համապատասխան ծառայությունները շատ ավելի մանրակրկիտ ու երկար են ստուգում մեքենաները։