Ինձ մոտ տպավորություն է, որ Ադրբեջանը հատուկ ժամանակ է ձգում․ Ալեն Սիմոնյան
Ինձ մոտ տպավորություն է, որ այս ժամանակահատվածում Ադրբեջանը հատուկ ժամանակ է ձգում խաղաղության գործընթացը ավարտին հասցնելու հարցում, այն պարագայում, որ քաղաքական ցանկության դեպքում ես չեմ տեսնում որևիցե կտրուկ պատճառ, որը կարող է խանգարել խաղաղության համաձայնագիրը հավասարության և այն բոլոր սկզբունքների հիման վրա, որոնք հուլիսին Շառլ Միշելի նախագահությամբ համաձայնեցվել են Ադրբեջանի նախագահի և Նիկոլ Փաշինյանի հետ միասին՝ իրականացվեն։
Այս մասին այսօր ԱԺ-ում Չեխիայի Հանրապետության Պատգամավորների պալատի նախագահ Մարկետա Պեկարովա Ադամովայի հետ համատեղ մամուլի ասուլիսի ժամանակ հայտարարեց ԱԺ նախագահ Ալեն Սիմոնյանը։
«Մենք չենք հասկանում, թե ինչպես կարելի է գալ համաձայնության, ունենալ հայտարարություն, որն արվել է Շառլ Միշելի կողմից, և մինչ օրս այդ հիմնարար սկզբունքների հիման վրա չունենալ համաձայնագիր»,- ասաց Սիմոնյանը՝ նշելով, որ իրենք շարունակելու են ջանքերը խաղաղության հաստատման ուղղությամբ։
Մանրամասն տեսանյութում
