«Հրապարակ» թերթը գրում է․
Արցախի Մարտունու շրջանի զինվորական հոսպիտալն օրերս փակվել է, անձնակազմին բացատրություններ չեն տրվել պատճառների մասին, ասվել է, որ այդպես են նպատակահարմար գտնում։ Հիշեցնենք, որ հոսպիտալը ստեղծվել էր արցախյան առաջին պատերազմի տարիներին՝ 90-ականներին։ Մարտունու քաղաքապետ Էդիկ Ավանեսյանը չցանկացավ մանրամասներ հայտնել՝ ուղղորդելով ՊԲ լրատվականի կողմը։ «Դա մեզ հետ կապ չունի, Պաշտպանության բանակին դիմեք, մենք նման տեղեկություն հայտնելու իրավունք չունենք»,- ասաց Ավանեսյանը։
«Հրապարակ» թերթը գրում է․
Ընդդիմությունը որոշել է վերադառնալ խորհրդարան։ Այսօրվանից մեկնարկող ԱԺ նիստերին կմասնակցեն նաեւ ԱԺ «Հայաստան» եւ «Պատիվ ունեմ» խմբակցությունների պատգամավորները։ Մեզ հետ զրույցում ՔՊ-ական պատգամավոր Հովիկ Աղազարյանն ասաց, որ անձամբ ինքն ուրախ է, որ ընդդիմությունը վերադառնում է:
«Հրապարակ» թերթը գրում է․
Երեկ երեկոյան իշխող խմբակցության նիստին նրանք չեն թաքցրել իրենց ուրախությունը, քանի որ, որքան ընդդիմությունը մտածելու առիթ ունի, որովհետեւ խորհրդարանական աշխատանքները բոյկոտելը կարող է նրանց մանդատներից զրկելու հիմք հանդիսանալ, ոչ պակաս մտահոգվելու առիթ ունեին իշխանությունները, որոնք գիտակցում էին, որ խորհրդարանն առանց ընդդիմության կորցնում է լեգիտիմությունը միջազգային հանրության աչքում ։
«Հրապարակ» թերթը գրում է․
Եկող շաբաթ՝ նոյեմբերի 22-ին, նախատեսվում է Հայաստանի ռազմավարական դաշնակից Ռուսաստանի Դաշնության նախագահ Վլադիմիր Պուտինի այցը Հայաստան։ Որոշ տեղեկություններով՝ հայաստանյան հակառուսական շրջանակները, մասնավորապես՝ Ազգային ժողովրդավարական բեւեռը, Պուտինի գալստյան առթիվ ծրագրում են բողոքի ակցիաներ կազմակերպել։
«Փաստ» օրաթերթը գրում է․
Մեր ունեցած տեղեկություններով, գործող իշխանությունները ծայրահեղ «վառված» են ռեժիսոր Մհեր Մկրտչյանի «Իշխանություն-2» ֆիլմից: Պրեմիերայից հետո նրանք նախ փորձեցին դժգոհության իմիտացիա ստեղծել և կառավարության շենքի մոտ իբր «ինքնաբուխ» բողոքի ակցիա կազմակերպել, սակայն ոչ միայն ձախողվեցին, այլև ծաղրուծանակի ենթարկվեցին, քանի որ հավաքին մասնակցողների թիվը նույնիսկ մեկ տասնյակի չէր հասնում:
«Փաստ» օրաթերթը գրում է․
Վերջին օրերին Հայաստանի և Ադրբեջանի իշխանությունների խոսույթը, հայտարարությունները ավելի սուր բնույթ են կրում: Ադրբեջանի ղեկավարի դեպքում դա նորություն չէ, այդ երկիրը միշտ էլ աչքի է ընկել ագրեսորին բնորոշ հռետորաբանությամբ: Հայաստանից վերջապես հնչեցին կոշտ արձագանքներ: Փորձագետների կարծիքով, այս ամենը վկայում է այն մասին, որ բանակցային գործընթացը, մեղմ ասած, առաջ չի գնում:
«Փաստ» օրաթերթը գրում է․
Մեր ունեցած տեղեկություններով, Նիկոլ Փաշինյանը շատ է ցանկանում, որ արդեն 2023 թվականի գարնանը (մարտ-ապրիլ ամիսներին) հնարավոր լինի անցկացնել Սահմանադրական փոփոխությունների հանրաքվե։ Կառավարության մեր աղբյուրի փոխանցմամբ, համապատասխան օղակներին արդեն իսկ հանձնարարվել է լծվել նախապատրաստական աշխատանքներին։
ՀՀ-ն անցում կկատարի կիսանախագահական կառավարման համակարգին, Փաշինյանն ի վերջո որոշել է, որ Հայաստանում շարունակի գործել խորհրդարանական համակարգը։
«Ժողովուրդ» օրաթերթը գրում է.
Երբ Նիկոլ Փաշինյանն ու իր թիմը իշխանության եկան, բացահայտվեց նրանց՝ իրական կեղծարարների դեմքը: Ինչպես հայտնի է, հոկտեմբերի 29-ին կայացած «Քաղաքացիական պայմանագիր» կուսակցության վարչության անդամների ընտրություններում լուրջ կեղծիքներ են եղել, եւ որոշ անդամների ձայներ հայտնվել են այլոց անունների վրա: Հիմա պարզվում է՝ իշխանականները հայտնվել են հայրենի իրավապահների ուշադրության կենտրոնում:
«Ժողովուրդ» օրաթերթի հավաստի տեղեկություններով՝ ՀՀ իրավապահ համակարգը սկսել է ուսումնասիրել բոլոր հրապարակումները, որոնք արվել են իշխող կուսակցության ներսում գրանցված կեղծիքների վերաբերյալ, եւ որոշել է գործի անցնել:
«Ժողովուրդ» օրաթերթը գրում է.
Դատաիրավական բարեփոխումների անվան տակ այդ համակարգի անկախությունը վերջնականապես սպանած Նիկոլ Փաշինյանի իշխանությունը որոշել է հետողորմյա անել ԲԴԽ նախկին նախագահ Գագիկ Ջհանգիրյանի ներդրած նորարարությունը, երբ կալանքի գործերը քննում էին առանձին դատավորներ:
«Ժողովուրդ» օրաթերթի տեղեկությունների համաձայն՝ դատական համակարգը եւ իրավապահ համակարգը քննարկել են մինչդատական վարույթով դատարանի գործունեությունը եւ եկել այն համոզման, որ անհրաժեշտ է փակել վերջերս ձեւավորված դատարանը եւ տուն ուղարկել Աջափնյակի նստավայրում հավաքված «կալանք տվող» դատավորներին:
«Ժողովուրդ» օրաթերթը գրում է.
Պահն օրհասական է, ասում են ընդդիմադիր պատգամավորները, Արցախի ու Հայաստանի շուրջն օղակը գնալով սեղմվում է, ու Նիկոլ Փաշինյանի դեմ պայքարը թե՛ փողոցում, թե՛ խորհրդարանում, թե՛ հնարավոր մյուս բոլոր հարթակներում պետք է շարունակել: Վստահեցնում են, որ այնպես չէ՝ ԱԺ շենք են մտնելու ու մոռանան փողոցի պայքարի մասին, պարզապես բոլոր հարթակները պետք է օգտագործել:
«Կառավարություն-Ազգային ժողով հարցուպատասխանին մասնակցելո՞ւ եք»,- հետաքրքրվեցինք ընդդիմադիրներից: Ի պատասխան մեր հարցին՝ թե՛ «Պատիվ ունեմ»-ից, թե՛ «Հայաստան» դաշինքից պատասխանեցին՝ դեռ հստակ որոշում չունեն:
«Ժողովուրդ» օրաթերթը գրում է.
ՀՀ պաշտպանության նախարարությունից ստացել ենք պատասխան, ըստ որի՝ Միսակ Հովակիմյանն ազատվել է 2021 թվականի ամառային զորակոչի ընթացքում, իսկ Նարեկ Հովակիմյանը՝ 2019 թվականի ամառային զորակոչի ընթացքում, այսինքն՝ Ազգային ժողովի «Քաղաքացիական պայմանագիր» խմբակցության պատգամավոր, Կենտրոնական ընտրական հանձնաժողովի նորընտիր նախագահ Վահագն Հովակիմյանի երկու որդիները պարտադիր զինվորական ծառայությունից ազատվել են 2018 թվականին տեղի ունեցած հեղափոխությունից հետո՝ այն ժամանակահատվածում, երբ Վահագն Հովակիմյանը իշխանական պատգամավոր էր:
«Ժողովուրդ» օրաթերթը գրում է.
2022 թվականի հուլիսի 12-ին կառավարության կողմից հայտարարություն տարածվեց, թե Նիկոլ Փաշինյանը «Ռոսատոմ»-ի գլխավոր տնօրեն Ալեքսեյ Լիխաչովի հետ քննարկել է Հայաստանում նոր «ատոմային էլեկտրակայանի կառուցման հնարավորություններին վերաբերող հարցեր»։
Ավելի վաղ՝ 2021-ի նոյեմբերին, տարածքային կառավարման եւ ենթակառուցվածքների նախարար Գնել Սանոսյանն էր նշել, որ կառավարությունը 2026-2027-ին նախատեսում է նոր ատոմակայան կառուցել։
«Ժողովուրդ» օրաթերթը գրում է.
«Ժողովուրդ» օրաթերթի տեղեկություններով Սահմանադրական դատարանի անդամների շրջանում նկատվում է լուրջ խառնաշփոթ։
Գագիկ Ջհանգիրյանի նախագահությամբ ԲԴԽ-ի կողմից վերաքննիչ դատարանի դատավոր Գագիկ Խանդանյանի լիազորությունների դադարեցման գործով վերջինս դեռևս մեկ տարի առաջ դիմել էր Սահմանադրական դատարան։