Դերասան Լեոնարդո Դի Կապրիոն Լոնդոնի Նորաձևության շաբաթվա շրջանակում այցելել է Moncler Genius ցուցադրությանը և լքել շոուն նոր ընկերուհու հետ, ով նման է իր նախկին սիրեցյալ Կամիլա Մորրոնեին։ Այդ մասին գրում է Daily Mail-ը, փոխանցում է gazeta.ru-ն։

Լեոնարդո Դի Կապրիոյին նկատել են նոր թխահերի կողքին՝ նորաձևության ցուցադրությունը միասին լքելիս։ Աղջիկը շենքից դուրս է եկել սեւ մինի զգեստով եւ երկար վերարկուով։ Նրանից հետո դերասանը հայտնվել է իր սովորական սև գլխարկով և դեմքին մոխրագույն դիմակով։

Ականատեսը պնդում է, որ զույգը նույն մեքենայով հեռացել է վարորդի հետ, իսկ հետո երեկույթի է գնացել Chiltern Firehouse հյուրանոցում, որը գտնվում է Լոնդոնի կենտրոնում։

Ավելի վաղ հաղորդվում էր, որ Լեոնարդո Դի Կապրիոյի նոր ընկերուհին իսրայելցի մոդել Էդեն Պոլանին է, ով նրանից գրեթե 30 տարով փոքր է։ Նա աշխատում է որպես մոդել և հանդիսանում է ITM Model Management գործակալության անդամ։