«Ոչ Արցախի էթնիկ զտմանը» շարժման նախաձեռնողները հայտարարություն են տարածել, որ մայիսի 9-ին, ժամը 12:00-ին հանրահավաքի են հրավիրում Ստեփանակերտի Վերածննդի հրապարակում։ Հայտարարության մեջ, մասնավորապես, նշված է․

«Սիրելի հայրենակիցներ,

Մենք, «Ոչ Արցախի էթնիկ զտմանը» շարժման նախաձեռնողներս, կոչ ենք անում բոլորիդ՝

Մայիսի 9-ին, ժամը 12:00-ին հավաքվենք Ստեփանակերտի Վերածննդի հրապարակում՝

- Արցախը ապաշրջափակելու մեր պահանջն ուղղելու աշխարհին,

-  հայրենիքում ազատ, անվտանգ ու անկախ ապրելու մեր իրավունքին տեր կանգնելու,

- ցույց տալու, որ Արցախը չի հանձնվում,

- որ վճռական ենք՝ շարունակելու մեր պայքարը,

- զգոնության, սթափության, համախմբման ու պայքարի կոչ ուղղելու մեր բոլոր հայրենակիցներին՝ Հայաստանում եւ աշխարհում

Եկեք, մեր պապերի, հայրերի ու եղբայրների տարած հաղթանակների օրը վերաիմաստավորենք նոր ուխտով՝ Արցախը հայկական պահելու սրբազան ուխտով:

- Եկեք, մասնակցեք համաժողովրդական հանրահավաքին

-  Մայիսի 9-ին

- Ժամը 12-ին»։