Լեհաստանը սպառնում է ԵՄ-ին  COVID-ի ֆոնդերի արգելափակման համար.այս մասին օգոստոսի 10-ին հայտնել է Euractiv մեդիա ցանցը։
Կորոնավիրուսից երկրի վերականգնման համար նախատեսված ավելի քան 35 միլիարդ եվրոն սառեցվել է Լեհաստանի դատաիրավական բարեփոխումների շուրջ վեճի պատճառով: Դատաիրավական բարեփոխումների  խնդիրը ԵՄ կարծիքով սասանում է դեմոկրտատական հիմքերը:

Լեհաստանը Եվրամիությանը սպառնացել է «վրեժ լուծել», եթե  չստանա միջոցների իր մասնաբաժինը COVID-19 համաճարակից վերականգնման համար։  ԵՀ-ն հավանություն էր տվել Լեհաստանին միջոցների հատկացմանը, սակայն նրա ղեկավար Ուրսուլա ֆոն դեր Լեյենը Լեհաստանի վարչապետ Մաթեուշ Մորավիեցկիի հետ հանդիպման ժամանակ ասել է, որ պետք է ավելի շատ աշխատանք կատարվի օրենքի գերակայության ուղղությամբ։

Լեհաստանի իշխող «Օրենք և արդարություն» կուսակցությունը  ընդգծել է, որ իր հիմնական բարեփոխումներն ուղղված են համակարգն ավելի արդյունավետ դարձնելուն և հերքում է քաղաքական շահի համար դատարանների աշխատանքին միջամտելը:

«Եթե փորձ արվի արգելափակել վճարումը… և Եվրահանձնաժողովը փորձի ճնշում գործադրել մեզ վրա, ապա մենք այլ ելք չենք ունենա, քան հանել մեր զինանոցից բոլոր զենքերը և պատասխան կրակել», – ասել է «Օրենք և արդարություն» կուսակցության գլխավոր քարտուղար Քշիշտոֆ Սոբոլևսկին:

Նա չի հստակեցրել, թե կոնկրետ ինչ գործողություններ է մտադիր ձեռնարկել Վարշավան։ Ճնշման հնարավոր տարբերակների թվում է ԵՄ որոշ որոշումների վրա վետո դնելը։

Հիշեցնենք, որ մայիսին Լեհաստանն օրենք է ընդունել, որը դատավորների համար վիճելի կարգապահական պալատը փոխարինել է նոր մարմնով, սակայն ԵՀ ղեկավարը կարծում է, որ այն պետք է վերջնական տեսքի բերվի։