Ճապոնական հրամանատարությունը Խաղաղ օվկիանոս է ուղարկել Ճապոնիայի ծովային ինքնապաշտպանության ուժերի նավատորմ, որը կայցելի մի շարք երկրներ, ինչպես նաև կմասնակցի մի շարք միջազգային վարժանքների. հայտնում է Kyodo-ն։

Նավատորմի կազմում ընդգրկված է Izumo կործանիչ ուղղաթիռակիր, երկու կործանիչ, սուզանավ, պարեկային ինքնաթիռ և այլ տեխնիկա։ Այս անգամ ծովային ինքնապաշտպանության ուժերի տարեկան առաքելությունը կտևի մինչև հոկտեմբերի 28-ը։ Ճանապարհորդության ընթացքում ճապոնական նավերը կայցելեն ԱՄՆ, Հնդկաստան, Ավստրալիա, Սողոմոնի կղզիներ, Տոնգա, Պապուա Նոր Գվինեա, Պալաու, Վանուատու, Ֆիջի, Վիետնամ, Ֆիլիպիններ և ֆրանսիական Նոր Կալեդոնիա անդրծովյան տարածք։

Ճապոնացի զինվորականները կմասնակցեն RIMPAC միջազգային ռազմածովային ամենախոշոր զորավարժություններին, Pacific Vanguard զորավարժություններին՝  ԱՄՆ-ի, Ճապոնիայի, Հարավային Կորեայի, Ավստրալիայի մասնակցությամբ:

Kyodo-ն նշում է նաև, որ ճապոնական նավատորմի մասնակցությամբ մի շարք երկրների ռազմածովային զորավարժությունները կոչված են հակազդելու Չինաստանին, որն ավելի է ակտիվացել միջազգային հարցերում։