Հակառակորդի կողմից այսօր՝ նոյեմբերի 28-ին, հրադադարի խախտման հետևանքով վիրավորված Պաշտպանության բանակի երկու զինծառայողների վիճակը բավարար է. այդ մասին հայտնում է NEWS.am-ը, հղում անելով Արցախի Հանրապետության առողջապահության նախարարի ժամանակավոր պաշտոնակատար Արթուր Օհանջանյանօն։
«Այժմ նրանք տեղափոխվում են հոսպիտալ»,- նշեց Օհանջանյանը։
Հիշեցնենք, որ Ադրբեջանի ԶՈՒ-ն արևմտյան ուղղությամբ խախտել է հրադադարը` կիրառելով հրաձգային զինատեսակներ և ՀԱՆ-17 նռնականետ։ Վիրավորում են ստացել ՊԲ զինծառայողներ Հ. Ա.-ն և Մ. Վ.-ն։