ՀՀԿ փոխնախագահ Արմեն Աշոտյանը ֆեյսբուքյան էջում անդրադարձել է Փաշինյան-Բլինքեն հեռախոսազրույցին և կից գրառում արել.
«Ո՞վ է տեղյակ՝ այդ ինչ երկու քննարկված քայլերի մասին է խոսքը Ադրբեջանի հետ բանակցությունները վերսկսելու համար։
Որո՞նք են այդ քայլերը։
Ու՞մ հետ են քննարկվել։
Ինչու՞ Բլինկենը տեղյակ է դրանցից, իսկ հայ ժողովուրդը՝ ոչ»։
Ավելի վաղ ԱՄՆ պետքարտուղար Էնթոնի Բլինքենը թվիթերյան իր միկրոբլոգում գրառում է կատարել` անդրադառնալով ՀՀ վարչապետի հետ հեռախոսազրույցին։
«Ես վարչապետ Փաշինյանի հետ խոսել եմ Ադրբեջանի հետ երկկողմ խաղաղ բանակցությունների` երկու երկրի միջև կայուն խաղաղության միակ ճանապարհի վերականգնման ուղղությամբ քայլերի մասին: Ես նաև իմ անհանգստությունն եմ հայտնել ԼՂ-ում հումանիտար իրավիճակի հետ կապված»: