Փաստաբանները «հատուկ նվեր» են տարել գլխավոր դատախազության շենքի մոտ՝ նվիրելու Աննա Վարդապետյանին։
Փատաբան Վարազդատ Հարությունյանը ներկայացրեց, թե ինչու են նմանատիպ ակցիա իրականացնում։
«Ինչպես գիտեք՝ օրեր առաջ ոստիկանության բաժանմունքում տեղի ունեցավ փաստաբանի նկատմամբ բռնության դեպք։ Սա այս տարվա ընթացքում երկրորդ դեպքն է, որից հետո ՓՊ-ն ասուլիս հրավիրեց. առայժմ մենք որևէ արձագանք չունենք։ Ուրբաթ օրն էլ երթ իրականացրինք դեպի ԵՄ գրասենյակ, բայց անտեղից էլ արձագանք չեղավ։ Այսօր դատախազության մոտ այս ակցիան ենք անում, որի ընթացքում ուզում ենք հեռուստացույց նվիրել տիկին Վարդապետյանին»,- լրագրողների հետ զրույցում ներկայացրեց փաստաբանը։
Նա հիշեցրեց, որ Աննա Վարդապետյանը փաստաբանների ծեծի նախորդ դեպքի մասին հարց լսելու ժամանակ ասել էր, որ տեղյակ չէ նման դեպքից, ուստի իրենք հեռուստացույց են նվիրում, որ գլխավոր դատախազը տեղեկացված լինի։
Մանրամասները՝ տեսանյութում։