Կուբան դիմել է BRICS-ում գործընկերոջ կարգավիճակ ստանալու համար:

Այս մասին ՏԱՍՍ-ին տված հարցազրույցում հայտարարել է Հավանայում Ռուսաստանի դեսպան Վիկտոր Կորոնելլին։ Նրա խոսքով՝ Կուբայի առաջնորդը հրավիրվել է ընդլայնված կազմով հանդիպման՝ BRICS-ի գագաթնաժողովի շրջանակներում, որը կանցկացվի Կազանում հոկտեմբերի 22-24-ը։

Դեսպանը հավելել է, որ այս տարի Կուբայի ներկայացուցիչներն արդեն մասնակցել են BRICS-ի շրջանակներում մի շարք տարբեր միջոցառումների։ Նա նշել է, որ Կուբայի իշխանությունները հետաքրքրված են կազմակերպության գործունեության գրեթե բոլոր ոլորտներով։