«Նոային» է միացել Հելդեր Ֆերեյրան

«Նոային» է միացել Հելդեր Ֆերեյրան։ Այս նասին հայտնում են ֆուտբոլի ակումբից։

«Պորտուգալացի վինգերը «Վիտորիա  Գիմարայեշի» սան է։ 2017 թվականից հանդես է եկել ակումբի գլխավոր թիմում, իսկ 2019-ին տեղափոխվել է «Պասուշ Ֆերեյրա»։  

Պորտուգալիայի բարձրագույն լիգայում Հելդեր Ֆերեյրան անցկացրել է 111 խաղ ու խփել 10 գոլ։ Թիմի նորեկը խաղացել է նաև Պորտուգալիայի տարբեր տարիքային հավաքականներում։ Երկրի մինչև 20 տարեկանների հավաքականում 2 գոլ  է խփել անցկացրած  5 խաղում։ 27-ամյա ֆուտբոլիստը «Նոա» է տեղափոխվել Կիպրոսի «Անորտոսիսից», որի կազմում մասնակցել է Կիպրոսի առաջնության 67 խաղի ու դարձել 9 գոլի հեղինակ։

«Ես զգում եմ, որ նախագիծը շատ հավակնոտ է: Կարծում եմ՝ մենք ամեն ինչ ունենք արժեքներ ստեղծելու և այս ակումբն էլ ավելի բարձրացնելու համար»-ակումբի մամուլի ծառայության հետ զրույցում ասել է Հելդեր Ֆերեյրան:

Հիշեցնենք, որ Կոնֆերենցիաների լիգայի որակավորման առաջին փուլում «Նոան» կմրցի հյուսիսմակեդոնական «Շկուպիի» հետ։ Առաջին խաղը կկայանա Հայաստանում՝ հուլիսի 11-ին»,- նշված է հաղորդագրությունում։