Հնդկաստանի և ԵԱՏՄ-ի միջև ազատ առևտրի գոտու մասին համաձայնագրի կնքման կոնկրետ ժամկետ դեռ վաղ է նշել, սակայն բանակցությունները սկսվել են, և դրանք պետք է ավարտվեն, «ՌԻԱ Նովոստի»-ին ասել է ՌԴ-ում Հնդկաստանի դեսպան Վինայ Կումարը։
«Այդ թեմայի շուրջ բանակցություններ սկսելու որոշում կայացվեց, և առաջին հանդիպումը տեղի ունեցավ այս տարվա սկզբին: Մենք կարծում ենք, որ բանակցությունները, երբ սկսվեն, պետք է ավարտվեն: Դրանք բարդ բանակցություններ են:Այնպես որ, ես չեմ կարող ձեզ ասել, թե երբ ձեռք կբերվի նման համաձայնություն, բայց կա որոշում, որ մենք պետք է բանակցություններ սկսենք ազատ առևտրի համաձայնագրի շուրջ»,- ասել է դիվանագետը։
Մայիսին ՌԴ արտաքին գործերի փոխնախարար Ալեքսանդր Պանկինը հայտնել էր, որ ԵԱՏՄ-ի և Հնդկաստանի միջև խորհրդակցություններ են ընթանում ազատ առևտրի գոտու ստեղծման շուրջ։