Աթենքում վայրէջք կատարած իռլանդական Ryanair ավիաընկերության ինքնաթիռում ռումբի մասին տեղեկությունը պարզվել է, որ կեղծ է. այդ մասին հայտնել է հունական ERT-1 հեռուստաալիքը։
Աղբյուրի փոխանցմամբ, Ryanair Boeing 738-ը, որը թռչում էր Կատովիցեից, բարեհաջող վայրէջք է կատարել Աթենքի միջազգային օդանավակայանում:
Ուղևորներն ու անձնակազմի անդամները տարհանվել են։ Ուղևորներն ու ուղեբեռը ստուգվել են պայթուցիկ նյութերի առկայության համար, ստուգվել է նաև ինքնաթիռը։
Պայթուցիկ նյութեր կամ պայթուցիկ սարքեր չեն հայտնաբերվել։
Ավելի վաղ, Իռլանդական Ryanair ավիաընկերության անձնակազմը, որը թռչում է Լեհաստանից, հաղորդագրություն է ստացել ինքնաթիռում ռումբի մասին։