Կարծում ենք, որ դատարանը կմերժի ոստիկանության հայցն ընդդեմ Գարիկ Գալեյանի, որովհետեւ մենք հիմնավոր փաստեր ենք ներկայացրել դատարան, առ այն որ Գալեյանը թույլ է տվել վարչական իրավախախտում․ MediaHub-ի հաղորդմամբ՝ այս մասին հայտարարեց փաստաբան Ներսես Հարությունյանը։
«Հայցվոր կողմը պետք է հիմնավորեր, որ Գալեյանը ոստիկանի օրինական պահանջը չի կատարել, բայց չի հիմնավորել։ Ինչպես տեսաք, մենք դատական նիստին ապացուցեցինք, որ ոչ մի օրինական պահանջ տեղի չի ունեցել»,-ասաց նա։
Հիշեցնենք, որ այսօր ՀՀ վարչական դատարանը քննում էր ոստիկանության՝ վարչական իրավախախտումների վերաբերյալ հայցն ընդդեմ 44-օրյա պատերազմում զոհված զինծառայող Մխիթար Գալեյանի հոր՝ Գարիկ Գալեյանի։ Ըստ հայցվոր կողմի՝ 2022թ․-ի սեպտեմբերի 21-ին «Եռաբլուր» զինվորական պանթեոնում Գարիկ Գալեյանը մի խումբ ծնողների հետ չի ենթարկվել ոստիկանի ներկայացրած օրինական պահանջին։
Մանրամասն՝ տեսանյութում։