Այս վիճակում հասարակության մոտ վատ վերաբերմունք ձևավորվում է գրեթե բոլոր խաղացողների նկատմամբ։ Այս մասին այսօր «Ինչպես Հայաստանն արձագանքեց Ալիևին» խորագրով քննարկման ժամանակ ասաց «Հայրենիք» կուսակցության մամուլի քարտուղար Սոս Հակոբյանը։
Նրա խոսքով՝ այս անճարակության, անելանելիության զգացման բնական հետևանք է այդ վիճակը։
«Իրականում, երբ շփվում ես մարդկանց հետ, տագնապալի զգացողություն գրեթե բոլորի մոտ կա»,- նշեց Հակոբյանը։
Անդրադառնալով Նիկոլ Փաշինյանի վերջին ասուլիսին՝ Հակոբյանն ասաց, որ այնտեղ չհնչեց որևէ միտք, որը կզսպեր հանրության մոտ առաջացած տագնապները։
«Շատ լավ երևում է, որ Փաշինյանի թիմը փորձում է Ռուսաստանին հանել տարածաշրջանից, ու մշտապես զսպված ռուսական արձագանքները փոխվել ու դարձել են արդեն բավականին կոպիտ»,- նկատեց Հակոբյանը։
Նա հարց հնչեցրեց՝ իսկ ՌԴ-ն հեռացնելու դեպքում ո՞ւմ է բերելու, կա՞ որևէ երևացող հորիզոն, աշխարհաքաղաքական որևէ ուժ, ապա ինքն իր հարցին պատասխանեց՝ բնականաբար չկա։
Մանրամասները՝ տեսանյութում։