Թուրքիայի 5-ամյա քաղաքացին երեքշաբթի օրը Ցյուրիխի մանկապարտեզներից մեկում դանակով հարձակման հետևանքով վիրավորվել է, և նրա վիճակը բարելավվում է, հայտնել է երկրի ԱԳՆ-ն։

Երեք հինգ տարեկան տղաներ վիրավորվել են Ցյուրիխ քաղաքի մանկապարտեզում՝ դանակով հարձակման հետևանքով, հայտնում է Euronews-ը՝ վկայակոչելով շվեյցարական ոստիկանությանը։

Երեխաները վնասվածքներով տեղափոխվել են հիվանդանոց։ Ոստիկանության հաղորդագրության մեջ ասվում է, որ տղաներից մեկի վիճակը ծանր է: Հարձակման գործով ձերբակալվել է կասկածյալը՝ 23-ամյա Չինաստանի քաղաքացին։ Ոստիկանությունը դեռ չի բացահայտել նրա արարքի դրդապատճառները։