Թուրքիայի հետ երկխոսություն է սկսվել, Ադրբեջանի հետ ինտենսիվ երկխոսություն է ընթանում Լեռնային Ղարաբաղի հիմնախնդրի կարգավորման շուրջ։ Այս մասին Վլադիվոստոկում ընթացող Արևելյան տնտեսական 7-րդ համաժողովի ընթացքում հայտարարեց ՀՀ կառավարության ղեկավար Նիկոլ Փաշինյանը.
«Մենք Ռուսաստանի Դաշնության աջակցության հույս ունենք՝ ոչ միայն որպես ռազմավարական դաշնակցի, այլև որպես Ադրբեջանի գործընկերոջ: Ուզում եմ ընդգծել ՌԴ դերը, որպես ԵԱՀԿ Մինսկի խմբի համանախագահ երկրի, որը զբաղվում է Լեռնային Ղարաբաղի խնդրի կարգավորմամբ»,- նշեց Նիկոլ Փաշինյանը։