Ուկրաինայում հակամարտությունը կավարտվի «շուտով», այս մասին CPAC-ի պահպանողական համաժողովի ժամանակ հայտարարել է ԱՄՆ ազգային անվտանգության հարցերով խորհրդական Մայք Վալցը, փոխանցում է «ՌԻԱ Նովոստին»։
«Այսպիսով, Թրամփի օրոք այս պատերազմը կավարտվի», - ասել է խորհրդականը։
Վալցն իր ելույթում Թրամփին անվանել է նաև «խաղաղության նախագահ»։
Թրամփը վերջերս ասել էր, որ Վլադիմիր Զելենսկին «այնքան կարևոր չէ» Ուկրաինայի ճգնաժամի խաղաղ կարգավորմանն ուղղված հանդիպումներում։ Ամերիկացի առաջնորդը նաեւ նշել է, որ չէր ցանկանա, որ ուկրաինացի քաղաքական գործիչը հայտնվեր այս հանդիպումներին։