Ավստրիայի կանցլեր Կառլ Նեհամերրը կոչ է արել «դադարեցնել խելահեղությունը» վառելիքի շուկաներում և թույլ չտալ Պուտինին էներգիայի գին որոշել. այդ մասին հայտնում է Reuters-ը:

«Մենք պետք է վերջապես դադարեցնենք խելահեղությունը, որը տեղի է ունենում էներգետիկ շուկաներում: Իսկ դա կարող է տեղի ունենալ միայն շնորհիվ եվրոպական որոշման», - հայտարարել է ավստրիական կառավարության ղեկավարը:

Նեհամերը հավելել է, որ ներկա տեսքով շուկան չի ինքնակարգավորվում և կոչ է արել ԵՄ երկրներին հրատապ կերպով, համընդհանուր ջանքերով կանգնեցնել «գնային պայթյունը»:

«Մենք չպետք է թույլ տանք, որ Պուտինն ամեն օր որոշի էլեկտրաէներգիայի գինը Եվրոպայում», - ամփոփել է քաղաքական գործիչը։

Ավստրիան ռուսական գազի սպառման ամենամեծ մասնաբաժին ունեցող երկրների թվում է։ Ռուսաստանի վառելիքից հատկապես կախված է նրա արդյունաբերությունը:

Նյութի աղբյուրը՝  shantnews.am