ԱԺ «Քաղաքացիական պայմանագիր» խմբակցության պատգամավոր Լենա Նազարյանն ու նրա ամուսին՝ նույն խմբակցության պատգամավոր Նարեկ Բաբայանն իրենց տարեկան հայտարարագրերը ներկայացրել են մարտի 23-ին և մայիսի 31-ին։ Այս մասին MediaHub.am-ը տեղեկացավ Կոռուպցիայի կանխարգելման հանձնաժողովի պաշտոնական կայքից։
Ըստ հայտարարագրի՝ Նազարյանը 2017 թվականին 27 մլն 200 հազար դրամով Կոտայքի մարզի Առինջ համայնքում անշարժ գույք է գնել։ Որպես ունեցվածք` նշված է նաև Երևանի Նորք-Մարաշում շինություն, որը որպես ժառանգություն ստացել է 2009 թվականին: Արդեն 2021 թվականին վերջինիս աշխատավարձը ԱԺ-ից կազմել է 9 մլն 446 հազար դրամ։ Բանկային հաշիվների մնացորդը տարվա սկզբում կազմել է 1 մլն, իսկ տարվա ավարտին` 2 մլն դրամ։ Ինչպես նաև դեկտեմբերի 31-ի դրությամբ պատգամավորի ունեցած վարկի մայր գումարի մնացորդը կազմել է 21 մլն 520 հազար դրամ:
Նշենք, որ Բաբայանի հայտարարագիրն ուսումնասիրելիս պարզ է դառնում, որ 2017 թվականին Կոտայքի մազի Առաջին համայնքի անշարժ գույնը ամուսինները միասին են գնել։ Արդեն 2021 թվականին Բաբայանը գնել է TOYOTA մակնիշի մեքենա՝ 5 մլն դրամ արժողությամբ․ թողարկումը՝ 2009 թվականի։ Բանկային հաշիվների մնացորդը տարվա սկզբին կազմել է 437 և 736 հազար դրամ, որոնք տարվա ավարտին փոփոխվել են՝ դատնալով 463 և 496 հազար դրամ։ Խորհրդարանից ստացել է9 մլն 446 հազար դրամ աշխատավարձ։ Վարկի մայր գումարի մնացորդը նույնն է, ինչ կնոջ մոտ։