Ղրղզստանի իշխանությունները որոշել են կացության թույլտվություն տալ օտարերկրյա այն քաղաքացիներին, որոնք երկրի տնտեսությունում 10 միլիոն սոմից ավելի ներդրում են կատարել կամ կկատարեն։ Որոշումն ընդունվել է Ղրղզստանի կառավարության նիստում, տեղեկությունը հայտնել է երկրի կառավարության մամուլի ծառայությունը։
«Ղրղզստանի կառավարության հերթական նիստում հավանություն է տրվել երկրի տնտեսությունում ավելի քան 10 միլիոն սոմի ներդրում կատարած օտարերկրյա քաղաքացիներին Ղրղզստանում կացության թույլտվություն տրամադրելու կարգի պարզեցման վերաբերյալ որոշմանը»,- նշված է հաղորդագրությունում։