Հունվարի 19-ին՝ ժամը 01:30-ի սահմաններում, Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել էր 15 ժամկետային զինծառայող։ Զինծառայողների ծնողները չեն հավատում պաշտոնական վարկածին, ասում են՝ եղել է տեռոր՝ կամ վարչապետն է արել, կամ Ադրբեջանը։
«Իշխանությունների վրա հույս չի կարելի դնել, ուզում են գործը կոծկել, ո՞նց եղավ, որ 15 հաղթանդամ երեխա վառվեց։ Մենք իրենց տվել ենք առողջ երեխաներ, իրենք մեզ՝ մոխրացած դիեր։ Պահանջում եմ նախարարությունից, ոնց երեխաներին տարել են, տենց էլ բերեն տան։ Եթե՝ ոչ, թող իրենք մոխրանան։ ՊՆ նախարարն ինչու հրաժարական չի տալիս, ամոթ ունի՞»,- նշում են ծնողները:
Ծնողներից մեկը իր խոսքում նշեց, որ պետք է հստակ պատասխան տան իրենց՝ ինչի հետևանքով են երեխեքը մահացել: Ծնողները գնացել են այրված կացարան, գտել են բազմաթիվ իրեր, որոնք կարող են օգնել հետաքննության ընթացքին:
«Պաժառը թռնելու հատկություն ունի՞, էտ ոնց եղավ հատակը չի վառվել, տղաները վառվեցին»,- նշում են ծնողները։