Հունգարիան «մեծ քայլ» է արել՝ տնտեսական խթանման միջոցներից միլիարդավոր դոլարներ ստանալու ուղղությամբ՝ ընդունելով անկախ դատական համակարգի մասին Եվրամիության պահանջները, Reuters-ին ասել է դաշինքի պաշտոնյան:
«Հունգարացիներն ընդունել են դատական համակարգի անկախության նշաձողի վերաբերյալ Եվրոպական հանձնաժողովի պայմանները։ Սա բանակցությունների ավարտը չէ, բայց կարեւոր քայլ է»,- ասել է ԵՄ պաշտոնյան՝ անանուն մնալու պայմանով։ «Ես չեմ կարող հաստատել, որ մենք ավարտել ենք վերականգնման միջոցների վերաբերյալ բոլոր բանակցությունները, բայց մենք ավարտում ենք դրանք։ Փորձաքարերը շատ կապված էին դատական իշխանության անկախության հետ»։
Ավելի վաղ վարչապետ Օրբանի աշխատակազմի ղեկավարը հայտնել էր, որ Հունգարիան որոշ փոփոխություններ է մտցնում դատական համակարգում՝ ԵՄ գործադիր իշխանության պայմաններին համապատասխանելու համար։ Դրանով իսկ կվերացնի վերականգնման միջոցների վերաբերյալ համաձայնության գալու վերջին խոչընդոտը, ճեպազրույցում ասել է Գերգելի Գուլյաշը։