Baykar Makina-ն չի մատակարարել և մտադիր չէ իր արտադրանքը մատակարարել Ռուսաստանի Դաշնություն, քանի որ աջակցում է Ուկրաինայի ինքնիշխանությանը և նրա անկախության համար պայքարին։ Այս մասին երկուշաբթի՝ հուլիսի 18-ին, հայտարարել է Baykar Makina-ի գործադիր տնօրեն Հալուք Բայրաքթարը՝ CNN-ին տված մեկնաբանությունում. այդ մասին պատմում է korrespondent-ը:
Նա ընդգծել է, որ Թուրքիան և Ուկրաինան ռազմավարական հարաբերություններ ունեն, հատկապես օդատիեզերական և պաշտպանական արդյունաբերության ոլորտում:
«Թուրքիան Ուկրաինային աջակցում է մարտական անօդաչու թռչող սարքերով, մենք նաև անօդաչու սարքերի համար շարժիչներ ենք գնում Ուկրաինայից: Մենք Ուկրաինայի հետ հարաբերություններ ենք կառուցել շահեկան սկզբունքով, ինչը ձեռնտու է երկու երկրներին»,- ասել է Բայրաքթարը։
Ընդ որում, նա շեշտել է, որ Թուրքիան Ռուսաստանին երբեք անօդաչուներ չի մատակարարել: