Բավականին լավ քննարկում ենք ունեցել Պաշտպանության եւ անվտանգության հարցերի մշտական հանձնաժողովում օրինագծի հետ կապված ու անդրադառնալով հիմնականում հիմնական հնչող մտահոգություններին, պիտի ասեմ, որ հարգելի գործընկերներ, մենք հիմա հետևյալ իրավիճակը ունենք, տարբեր ժամանակաշրջաններում ՀՀ-ի մի շարք արական սեռի քաղաքացիներ դեռ 18 տարին չլրացած լքել ենք երկիրը, էնտեղ սպասել են էնքան, մինչև իրենց 27 տարին լրանար, ինչի են սպասել 27 տարին լրանա, որովհետև 27 տարեկանից հետո ուզեն էլ, չեն կարող ծառայել ԶՈՒ-ում, զորակոչի ենթակա չեն։ ԱԺ-ն էլ մի քանի տարին մեկ համաներում է հայտարարել, մարդիկ եկել են, ուղղակի, վերջ, էդքան բան։ Այս մասին այսօր ՀՀ ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը՝ խոսելով թիմակից Հայկ Սարգսյանի օրենքի նախգծի մասին։ 

Նշենք, որ ըստ այդ օրենքի նախագծի հնարավորություն է տրվելու 27 տարին լրացած, սակայն պարտադիր զինվորական ծառայություն չանցած քաղաքացիներին ազատվել գործող օրենսդրությամբ սահմանված քրեական պատասխանատվությունից։

Ըստ պատգամավորի` նրանք այդ հնարավորությունը կունենան զինվորական ծառայության անցնելու կամ կրճատված ժամկետով ծառայության և ՀՀ պետական բյուջե համապատասխան գումարներ վճարելու միջոցով։

«Հիմա էս օրինագծով, էդ հարցը լուծվում ա, որ մենք նախ ասում ենք՝ «դուք էս մի քանի տարի համաներման հույսին չեք մնալու, չեք սպասելու»։ Մարդկանց մոտ սպասում է, որ էս տարի, թե չեղավ, մյուս տարի համաներում կլինի։ Հարցը հիմա ինստիտուցիոնալ լուծում է ստանում։ Մարդիկ իրենց ընտրությամբ հնարավորություն են ունենալու կամ ծառայել կամ գումար վճարել ու կամ և՛ ծառայել ավելի քիչ ժամկետով և՛ գումար վճարել ՀՀ-ին։ Ես կարծում եմ, որ այս նախագիծը ավելի լավ լուծում է, քան այն բազում տարբերակները, որ ունեցել ենք նախկինում։ Կարծում եմ՝ նախագիծը պիտի դրական քվեի արժանա»,- նշեց Ալեքսանյանը։

Մանրամասները՝ տեսանյութում