Ադրբեջանի ԱԳՆ մամուլի ծառայության ղեկավար Այխան Հաջիզադեն մեկնաբանել է Հայաստանի արտգործնախարար Արարատ Միրզոյանի հայտարարությունը, թե Ադրբեջանը խոչընդոտում է բանակցային գործընթացին։ Եվ չնայած դրան, Հայաստանը հավատարիմ է խաղաղ գործընթացին և քննարկել է Ադրբեջանի կողմից խաղաղ համաձայնագրի առաջարկները։
Հաջիզադեն հայտարարել է նաև, որ այն առաջարկները, որոնց մասին խոսել է Հայաստանի արտգործնախարար Արարատ Միրզոյանը, Ադրբեջանը ներկայացրել է ոչ թե մի քանի օր առաջ, այլ 15 օր առաջ։
Հիշեցնենք, որ նախօրեին ՀՀ ԱԳ նախարար Արարատ Միրզոյանը Գերմանիայի ԱԳ նախարար Աննալենա Բուրբոկի հետ բանակցություններից հետո լրագրողներին ասել էր, որ Հայաստանը խաղաղության պայմանագրի վերաբերյալ իր առաջարկները ներկայացրել է Ադրբեջանին և ստացել պատասխան։