Արձանագրվել է մեծ թվով մարդկանց գրանցումներ անհայտ տարածքների վրա, օրինակ՝ 85 հոգի գրանցված է ոստիկանական ակադեմիայի տարածքում, 86 մարդ է գրանցված Ֆուտբոլի ֆեդերացիայի տարածքում, 159 ընտրող գրանցված է Մալյան նրբանցք 4/34 հասցեում․ աա համապատասխանում է Նորքի գերեզմանատանը, օդանավակայնի հարակից տարածքում 174 քաղաքացիներ են գրացված, որը բնակության համար պիտանի չէ։
Այս մասին մամուլի ասուլիսի ժամանակ նշեց «Հայաքվե» նախաձեռնության ներկայացուցիչ Աննա Կոստանյանը:
Նրա խոսքով, ընտրատեղամասերից մեկում գրանցման սարքի հետ խնդիր է եղել անձնագրերի ճանաչելիության մասով, մյուս դեպքում՝ 6/11 տեղամասում, ընտրողը մոտեցել է այլ ընտրողի, որ «օգնի» քվեարկելու:
Կենտրոնի տեղամասերից մեկում քաղաքացիներից մեկը ահազանգել է «Հայաքվեի» թեժ գծին, որ հարակից տարածքում ակտիվ մի խումբ կա, որոնք իրենք իրար մեջ խոսում են մարդկանց ավտոբուսներով բերելու եւ քվեարկելու մասին:
10/12 տեղամասում հանձնաժողովի նախագահը վերցրել է խախտումների արձանագրման համար նախատեսված մատյանը և չի թողել, որ դիտորդը համապատասխան արձանագրությունն այնտեղ իրականացնի»,-ասել է «Հայաքվե» նախաձեռնության ներկայացուցիչը: