Գյուլբենկյան փողոցում սակրավորները ռումբ են փնտրում. ի՞նչ կապ ունի կատարվածի հետ Գուրգեն Արսենյանը
Քիչ առաջ MediaHub-ը տեղեկացավ, որ Երևանի Գյուլբենկյան փողոցում տեղակայված օֆիսային տարածքներից մեկում ռումբի տեղադրման մասին ահազանգ է ստացվել:
Նշված հասցեով ժամանել են ԱԻՆ աշխատակիցները, ապա նաև սակրավորները:
Շենքի բնակիչները մեզ հետ զրույցում նշեցին, որ տարածքը պատկանում է ԱԺ ՔՊ խմբակցության պատգամավոր Գուրգեն Արսենյանին:
Այս պահին աշխատանքները շարունակվում են: ԱԻՆ-ն ու սակրավորները ռումբ են փնտրում:
MediaHub-ի հետ զրույցում ՆԳՆ խոսնակ Նարեկ Սարգսյանը հաստատեց, որ ահազանգ են ստացել, որ Գյուլբենկյան փողոցի վրա՝ մայթի վրա, պայթուցիկ սարքի նմանվող առարկա կա: Այս պահին փրկարարներն ու ոստիկանները տեղում աշխատում են: Գործընթացը շարունակվում է:
Մանրամասները կհայտնենք հաջորդիվ:
