Իտալիայում առնվազն 400 ազգային և միջազգային չվերթ է չեղարկվել ավիանձնակազմի, բորտուղեկցորդների և բյուջետային ավիաընկերությունների օդաչուների գործադուլի պատճառով, հայտնում է Corriere della Sera թերթը։
Ryanair-ի, Volotea-ի, easyJet-ի և Malta Air-ի աշխատակիցները միացել են չորսժամյա գործադուլին։ Իտալական Ita Airways ավիաընկերությունը հայտարարել է 122 չվերթի չեղարկման մասին, որը կազմում է կիրակի օրվա չվերթների 40%-ը։ Նաև, արհմիությունների հայտարարության համաձայն, Իտալիայի քաղաքացիական ավիացիայի ազգային ծառայության ավիադիսպետչերները ևս կդադարեցնեն աշխատանքը։
Ընդհանուր առմամբ, ավիացիոն ոլորտի աշխատակիցների բողոքի ակցիաները պատճառոն կտուժի 68 հազար ուղևոր։
Գործադուլի մասնակիցների հիմնական պահանջները վերաբերում են աշխատավարձերի բարձրացմանն ու աշխատանքային պայմանների փոփոխությանը։ Օդային տրանսպորտի անձնակազմը գործադուլներ էր անցկացրել նաևհունիսի 8-ին և 25-ին։