Երևանում շարունակվում է դարի ամենաամոթալի դատավարությունը. Կալանավորվել, ապա դատարանի առջև են կանգնել Հայ Առաքելական եկեղեցու երկու սրբազաններ և սա տիեզերական մասշտաբի ամոթ է, որը երբեք չի մաքրվի:
Ո՞վ է Միքայել Աջապահյանի գործով դատավոր Արմինե Մելիքսեթյանը, ի՞նչ ունեցվածք ունի նա:
Վերջինս փաստաբանների շրջանում մեղադրական հակում ունեցող համբավ ունի: Ուսումնասիրելով նրա հայտարարագիրը` MediaHub-ը տեղեկացավ՝ Մելիքսեթյանը հաշվետու տարվա վերջում ունեցել է 6 անշարժ գույք, ընդ որում 2-ը՝ մի բնակարանն ու մի ավտոկայանատեղին, ձեռք է բերել հենց 2024 թվականին։
Բացի այս, դատավորը հաշվետու տարում նաև 90 օրից ավելի շահագործել է սեփականության իրավունքով իրեն չպատկանող մեկ ավտոկայանատեղի և մեկ բնակարան Արմավիրի մարզում։
Տվյալ տարվա սկզբում առկա փոխառության գումարը կազմել է 25 մլն 420 հազար դրամ, որն էլ հաշվետու տարվա վերջում աննշան է նվազել՝ կազմելով 25 մլն 126 հազար դրամ։
Արմինե Մելիքսեթյանի կանխիկ դրամը տարվա սկզբում կազմել է 3 մլն դրամ, ինչը 1 մլն-ով աճել է տարվա վերջում։
Սրբազանին դատող դատավորի հաշվետու տարվա եկամուտը կազմել է 16 մլն 902 հազար դրամ։ Հաշվետու տարվա դեկտեմբերի 31-ի դրությամբ վարկի մայր գումարի չափը կազմել է 25 հազար դրամ։
Նշենք, որ փաստաբանների որակմամբ՝ Մելիքսեթյանը սովորաբար գործերն արագ քննող դատավոր չէ, սակայն Միքայել Աջապահյանի դեպքում նա մեկ շաբաթում 2-3 նիստ է նշանակում՝ փորձելով արագ գործն ավարտել։ Եվ ահա վաղն էլ կհրապարակի վերդիկտը:
Էմմա Մարտիրոսյան